Incluso na tempada de choivas e ventos que arestora varren a chaira, no Castro de Viladonga sempre suceden cousas extraordinarias. Hoxe toca presentar unha nova campaña, outra actuación nesta xigante que devece agarimos. Durante os meses vindeiros iremos debullando polo miúdo o progreso dos traballos, as novidades e as anécdotas que acompañan a cada escavación e restauración arqueolóxicas. Esta folla de ruta será algo máis que un diario ou un blog convencional. É o miradoiro, a portadaire e a solaina sobre a que dexergar, en cada lusco e fusco de outono, o devalar dunha fermosa historia, a que renace cada ano. Benvidos a Viladonga, e gocemos dun novo comezo.
No hay comentarios:
Publicar un comentario